Stu ducumentu, ma dinù a prima versione d’OmegaT in lingua corsa, sò stati tradutti da Patriccollu di Santa Maria è Sichè, diritti di copia o copyright© 2020-2021.


Cosa hè OmegaT ?
================

OmegaT hè un attrezzu di traduzzione assistata da l’urdinatore (TAO in francese è CAT in inglese) - liberu è à « fonte aperta » multi-piattaforma chì cuntene funzioni cum’è currispundenze simile, memoria di traduzzione, ricerca di parolla chjave, glossarii è tandu u travagliu di traduzzione hè più faciule.



Infurmazione di licenza
=======================

OmegaT hè dispunibule sottu à i termini di a Licenza Publica Generale GNU tale chì publicata da a Free Software Foundation : sia a versione 3 di a licenza, sia (s’è voi preferite) una versione più recente. Pudete fighjà u testu di a licenza in
/docs/OmegaT-license.txt.

OmegaT impiegheghja bibliuteche numerose. A licenza d’ogni bibliuteca hè ammentata in
/lib/licenses/Licenses.txt.



Prerichiesti per installà OmegaT
================================

OmegaT richiede chì a versione 1.8 - o una più recente - di l’ambiente d’esecuzione Java (JRE) sia installata nant’à u vostru sistema.

Vi ricumandemu d’impiegà i pacchetti OmegaT chì cuntenenu u JRE, per impediscevi u penseru di selezziunalu, d’ottenelu, è d’installalu.



Installazione d’OmegaT (Windows)
================================

Lanciate u prugramma d’installazione.



Installazione d’OmegaT (Mac)
============================

Spacchittate l’archiviu .zip d’OmegaT per ottene un cartulare chì cuntenerà un schedariu di ducumentazione è l’appiecazione OmegaT. Dispiazzate u cartulare in un locu appostu cum’è u cartulare Appiecazioni.



Installazione d’OmegaT (Linux)
==============================

Piazzate l’archiviu in u cartulare di a vostra scelta è spacchittatelu. Tandu OmegaT hè prontu à esse lanciatu.

Pudete quantunque ottene un’installazione più netta è più piacevule grazia à u scenariu d’installazione (linux-install.sh). Per impiegalu, aprite una finestra di terminale (cunsola), andate in u cartulare chì cuntene OmegaT.jar è u scenariu linux-install.sh, è eseguitelu cù ./linux-install.sh.



Installazione d’OmegaT (Solaris, FreeBSD, etc.)
===============================================

Piazzate l’archiviu in u cartulare di a vostra scelta è spacchittatelu. Tandu OmegaT hè prontu à esse lanciatu.



Impiegu di Java Web Start per l’installazione d’OmegaT (tutte piattaforme)
==========================================================================

S’è Java hè dighjà installatu nant’à u vostru sistema, una manera d’installà OmegaT hè d’impiegà Java Web Start.

Per fà què, scaricate stu schedariu è eseguitelu :

  https://omegat.sourceforge.net/webstart/OmegaT.jnlp

St’azzione installerà l’ambiente appostu per u vostru urdinatore è l’appiecazione stessa durante u primu lanciu. Dopu ùn ci serà più bisognu d’esse in linea.



Lanciu d’OmegaT (Windows)
=========================

S’è, durante l’installazione, avete creatu un accurtatoghju nant’à u scagnu, fate un doppiu-cliccu nant’à st’accurtatoghju.

U prugramma d’installazione pò creà accurtatoghji per voi in u listinu « démarrer », nant’à u scagnu o in a barra di lanciu rapidu. Pudete dinù fà sguillà manualmente u schedariu OmegaT.exe in u listinu « démarrer », nant’à u scagnu o in a barra di lanciu rapidu per creacci l’accurtatoghji.

S’ellu vi hè pussibule di fighjà u schedariu OmegaT ma micca OmegaT.exe in u vostru ghjestiunariu di schedariu (Espluratore WIndows), mudificate e preferenze per chì l’estensioni sianu affissate.



Lanciu d’OmegaT (Mac)
=====================

Doppiu-cliccate nant’à l’appiecazione OmegaT.

Pudete fà sguillà OmegaT.app nant’à u vostru Dock o nant’à a barra d’attrezzi d’una finestra di Finder per pudè eseguiscelu da qualsiasi locu. Pudete dinù eseguiscelu da u campu di ricerca di Spotlight.



Lanciu d’OmegaT (Linux)
=======================

S’è vo avete impiegatu u scenariu linux-install.sh, duveriate pudè lancià OmegaT cusì :

    Alt+F2

eppò :

    omegat

Per lancià OmegaT d’una manera più faciule, pudete impiegà u scrittu Kaptain pruvistu (omegat.kaptn). Per impiegallu, duvete installà Kaptain in primu locu. È dopu, pudete lancià u scenariu Kaptain cusì :

    Alt+F2

eppò :

    omegat.kaptn



Lanciu d’OmegaT da a linea di cumanda (tutti sistemi)
=====================================================

A cumanda chì permette di lancià OmegaT hè :

    cd <cartulare induve si trova u schedariu OmegaT.jar>

    <nome è chjassu di u schedariu d’esecuzione Java> -jar OmegaT.jar

(U schedariu d’esecuzione Java hè u schedariu java nant’à Linux è java.exe nant’à Windows.  S’è Java hè installatu à u livellu di u sistema è inchjusu in u chjassu, ùn hè micca bisognu di scrive u chjassu sanu.)



Cuntribuenti
============

OmegaT hè l’opera originale di Keith Godfrey.

Aaron Madlon-Kay hè u risponsevule di u prughjettu OmegaT.

A squadra attuale hè :
(in ordine alfabeticu)

- Vincent Bidaux (risponsevule di a documentazione)
- Marco Cevoli (rispunsevule di cumunità Telegram)
- Jean-Christophe Helary (rispunsevule di cumunità Twitter)
- Kos Ivantsof (rispunsevule di a lucalisazione)
- Concepción Martin (rispunsevule di cumunità Facebook)
- Briac Pilpré (webmaestru)
- Lucie Vecerova (rispunsevule di cumunità Facebook)

E cuntribuzioni à u codice sò ducumentate in /docs/contributors.txt.

I precedente cuntribuenti includenu :
(in ordine alfabeticu)

- Anthony Baldwin (rispunsevule di a lucalisazione)
- Didier Briel (risponsevule di u prughjettu)
- Alex Buloichik (sviluppatore principale)
- Sabine Cretella
- Dmitri Gabinski
- Jean-Christophe Helary (prupietariu di u gruppu d’assistenza, rispunsevule di a lucalisazione)
- Samuel Murray
- Maxym Mykhalchuk (sviluppatore principale)
- Henry Pijffers (rispunsevule di versione)
- Marc Prior (cuurdinatore di prughjettu, webmaestru)
- Vito Smolej (risponsevule di a documentazione)

è assai assai personne chì ci anu aiutatu.

(S’ella vi pare chì vo avete cuntribuitu assai à u prughjettu OmegaT ma chì u vostru nome ùn si trova micca nant’à e liste, cuntattateci puru.)



Liami ghjuvevule
================

L’infurmazione a più recente apprupositu d’OmegaT si trova à :

  https://omegat.org/

E risorse d’assistenza per l’utilizatore :

  https://omegat.org/support

E dumande d’amendamentu (in inglese) nant’à u situ SourceForge :

  https://sourceforge.net/p/omegat/feature-requests/

I raporti di penseru (in inglese) nant’à u situ SourceForge :

  https://sourceforge.net/p/omegat/bugs/
